Iraupena: 55 minutu
QUASAR ANTZERKIA
SED Ramón Megoya Cerca erbesteratutako gizon baten istorioari erantzun bat aurkitzeko sortu zen. Isiltasun lotsagarri batean lurperatutako gizona. Antzerki bidaia sakon eta zirraragarri hau hasi aurretik inork ez zekien ezertxo ere ez gizon horri buruz.
Emakume batek milaka erbesteratuk egin behar izan zuten derrigorrezko bidaiaren inguruan hausnartzen du oholtza gainean. Emakume eta gizon ugari herrialdetik kanporatu zituzten beren ideiak defendatzeagatik.
Ramón Megoya Cerca, Espainiako Gerra Zibileko beste erbesteratu bat izan zen eta bera da obraren protagonista.
Emakume batek gure herriaren historia hurbila inguratzen duen isiltasunaz hitz egingo digu. Interpelatu egingo gaitu. Garaituek jasandako lotsaz, oinazeaz eta egiteke dagoen justiziaz hitz egingo digu.
SED Ramonen bizitza guztiz ez ahazteko saiakera da, iraingarria izango litzateke eta. SED erbesteratutako pertsona guztien aintzatespena da. Izaera gogorarazle nabarmenarekin, soinu-giro boteretsuarekin eta argiztapen zainduarekin batera, Santanderko portutik Aljeriako Oran kontzentrazio-esparruraino eramango gaituen bidaia emozional batean gertatzen dira eszenak.
SEDen, hitza salaketa da, testigantza da eta, batez ere, galdera da.
SED Ramónen bizitza ahanzturarik apalenetik libratzeko saiakera da.
SED erbesteratu guztien aintzatespena da.
“Erbesteko herrialdeak ez du urik.
Mugarik gabeko egarria da.”
Jorge Carrera Andrade
FITXA ARTISTIKOA:
Aktorea: Mónica Gonzalez Megoya
Zuzendaritza: Jorge Padín
Mugimendu diseinua: Patricia Torrero
Musica originala: Jaime Peña
Argiztapen diseinua: Víctor Lorenzo
Errealizazioa eta Noray diseinua: David Azpurgua
Aholkularitza historikoa: Agustín Macías
Joskintza: Pilar Ibáñez
Irudiak: Moncho González
Diseinua eta irudiak: duotono.es
Ikus-entzuneko materiala, Trévol
Produkzioa: Quásar Teatro
SED, MEMORIAS DEL EXILIO-reko sarrerak erosi QUASAR ANTZERKIA
